Utstillinga vår om hovudplagg til bunaden er no i Nord Østerdalen. Ut denne veke 9 står han i kulturhuset på Tynset. Så ber det vidare til Rørosmuseet. Dette er ei utstilling av ikkje mindre enn 75 ulike hovudplagg tl bunader frå heile landet, både for menn og kvinner
Utstillinga viser nysydde hovudplagg som er laga av medlemmane i Norsk folkedraktforum rundt i landet. Her er hovudplagg til både jenter, koner, gutar og menn. Alle høyrer til bunader som bygger på folkedraktene våre. Dei fortel om kor mange ulike handverkstradisjonar som våre formødre beherska. Her er det finaste broderi og vevde band. Det var ei kunst å stiva opp mange hovudplagg. Og det er mykje levande kulturarv i det å læra å kle på seg desse hovudplagga.
Nå har utstillinga vandra rundt - til 15 ulike stader pr. nå. Den vidare reiseruta er slik:
Kulturhuset, Tynset: 8.februar – 2.mars 2025
Rørosmuseet, Røros: 8.mars – 7. april 2025
Aukrustsenteret, Alvdal: 12. april – 20. mai 2025
Sigdal museum: 15. juni – ut august 2025
Du kan lesa meir om koss utstillinga har blitt til her:
.svg)